BMU tələbələri DOST Rəqəmsal İnnovasiyalar Mərkəzində işlə təmin olunub

Bakı Mühəndislik Universitetinin (BMU) iki tələbəsi DOST Rəqəmsal İnnovasiyalar Mərkəzində ilk iş təcrübəsinə başlayıb.

tehsilmedia.info xəbər verir ki, sözügedən mərkəzdə istehsalat təcrübəsi keçən BMU-nun İnformasiya texnologiyaları və Kompüter mühəndisliyi ixtisasının tələbələri - Mənəf Nəbiyev və Rəhman Sultanlı təcrübədən sonra işlə təmin olunublar.

Qeyd edək ki, 2022/2023-cü tədris ilində BMU-nun müxtəlif ixtisaslar üzrə 20 tələbəsi 16 fevral - 24 may 2023-cü il tarixlərində Azərbaycan Respublikası Əmək və Əhalinin Sosial Müdafiəsi Nazirliyinin müxtəlif struktur bölmələrində istehsalat təcrübəsində olublar. Tələbələrdən beşi nazirliyin DOST Rəqəmsal İnnovasiyalar Mərkəzində təcrübə keçib.