Ağcabədidə gənc kadr tapılmadı? 68 yaşlı şəxs məktəbə kitabxanaçı təyin edildi – İDDİA
Gənclər işsiz, vəzifə isə 68 yaşlı şəxsə verilir?
Ağcabədidən narazılıq səsləri?
Ağcabədi təhsilində mübahisəli təyinat: Gənclər kənarda qaldı?
Ağcabədidə gənc kadr qıtlığı var, yoxsa iş yerləri yenə yaşlı kadrlar arasında bölüşdürülür?
Deyilən iddialara görə, Ağcabədi şəhərində yerləşən Üzeyir Hacıbəyov adına 7 nömrəli tam orta məktəbə 68 yaşlı şəxsin kitabxanaçı vəzifəsinə təyin edilməsi yerli ictimaiyyət arasında müxtəlif suallar doğurub.
Əgər bu iddialar doğrudursa, haqlı olaraq belə bir sual yaranır: Məgər Ağcabədi rayonunda ali və orta ixtisas təhsilli, iş axtaran gənclər yoxdur? Bu gün ölkədə minlərlə gənc işsizlikdən əziyyət çəkdiyi, dövlət qurumlarında iş tapmaq üçün illərlə gözlədiyi halda, vakant vəzifələrə pensiya yaşını keçmiş şəxslərin təyin olunması nə dərəcədə məqsədəuyğundur?
Əlbəttə, yaşlı insanların əmək fəaliyyəti ilə məşğul olması qanunla qadağan deyil. Təcrübəli insanların bilik və bacarıqlarından istifadə olunması da təbii haldır. Lakin məsələ ondadır ki, həmin vəzifəyə namizəd seçilərkən şəffaflıq, obyektivlik və gənclərə yaradılan imkanlar da nəzərə alınmalıdır.
Bu gün dövlət başçısı tərəfindən gənclərin məşğulluğunun artırılması, onların dövlət idarəçiliyində və müxtəlif sahələrdə irəli çəkilməsi ilə bağlı mühüm tapşırıqlar verilir. Belə olan halda, bölgələrdə işsiz gənclər olduğu halda bu cür təyinatlar cəmiyyətdə narazılıq və suallar yaradır.
İctimaiyyət cavab gözləyir:
Bu təyinat hansı əsaslarla həyata keçirilib?
Vakansiya barədə elan verilibmi?
Həmin vəzifəyə müraciət edən gənc namizədlər olubmu?
Seçim zamanı hansı meyarlar nəzərə alınıb?
Qeyd edək ki, burada səsləndirilən fikirlər müxtəlif mənbələrdən daxil olmuş iddialara əsaslanır və hələlik rəsmi təsdiqini tapmayıb. Qarşı tərəfin – məktəb rəhbərliyinin, aidiyyəti təhsil qurumlarının və digər məsul şəxslərin mövqeyini dərc etməyə və ictimailəşdirməyə hazırıq.
Şəffaflığın təmin olunması, ictimaiyyətin suallarına aydınlıq gətirilməsi və yaranmış müzakirələrə rəsmi münasibətin bildirilməsi vacibdir. Əks halda, bu kimi iddialar təhsil müəssisələrində kadr siyasətinin obyektivliyi ilə bağlı şübhələrin daha da artmasına səbəb olur.
