Hazırda ölkədə 180-ə yaxın lisenziyalı özəl bağça var - MÜTDA rəsmisi

"Bu müsabiqədə yalnız lisenziyaya malik özəl məktəbəqədər təhsil müəssisələri iştirak edə biləcək".

AzEdu.az xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktor müavini Vəfa Yaqublu “Məktəbəqədər təhsildə valideyn-dövlət-özəl əməkdaşlığı əsasında maliyyələşmə müsabiqəsinə özəl bağçaların sənəd qəbulunun başlaması” ilə bağlı jurnalistlərə açıqlamasında deyib.

Onun sözlərinə görə, hazırda sistemdə 170-dən çox özəl məktəbəqədər təhsil müəssisəsi qeydiyyatdadır.

"2026-cı ildə daha 10 yeni müəssisə lisenziya alıb. Onlar hələ sistemdə əks olunmasa da, ümumilikdə ölkədə təxminən 180 lisenziyalı özəl məktəbəqədər təhsil müəssisəsi fəaliyyət göstərir və bu müsabiqəyə müraciət etmək hüququna malikdir".