BDU-da ”Bioloji proseslərin təhlilində riyaziyyatın rolu” mövzusunda ustad dərsi keçirilib

Bakı Dövlət Universitetində (BDU) Biologiya fakültəsinin əməkdaşları, gənc tədqiqatçıları və tələbələri üçün bioinformatika sahəsində tanınmış mütəxəssis, Böyük Britaniyanın York Universitetinin Struktural biologiya labaratoriyasının professoru, əməkdar elm xadimi Qərib Mürşüdov tərəfindən "Bioloji proseslərin təhlilində riyaziyyatın rolu” mövzusunda onlayn ustad dərsi keçirilib.

Bu barədə "tehsilmedia.info"a BDU-dan məlumat verilib.

Qərib Mürşüdov riyaziyyatın biologiyada tətbiqi, statistik analizlərin aparılması, makromolekulyar kristalloqrafiya və elektron krio-mikroskopik struktur analizləri üçün effektiv riyazi, statistik və hesablama alqoritmlərinin yaradılması haqqında geniş məlumat verib. Struktur biologiyası cəmiyyətinin istifadəsi üçün bir sıra proqram təminatlarının, alqoritmlərin qurulmasına dair fikirlərini tələbələrlə bölüşüb.

"Zoom” platforması üzərindən təşkil olunmuş dərsin sonunda məruzəçi tələbələrin suallarını cavablandırıb.