İmtahan nəticələrinə əsasən UFAZ-a 160 nəfər qəbul olunub
Azərbaycan-Fransız Universitetinə (UFAZ) 2023-2024-cü tədris ili üçün bakalavriat pilləsi üzrə keçirilən qəbul imtahanında uğurlu nəticələr əldə edərək tələbə adını qazanan gənclərdən 60-ı kompüter elmləri, 35-i kimya mühəndisliyi, 35-i neft və qaz mühəndisliyi və 30-u isə geofizika mühəndisliyi ixtisasına qəbul olunub.
Bu barədə "tehsilmedia.info"a UFAZ-dan məlumat verilib.
Qəbul imtahanında 372 abituriyent iştirak edib. Yekun nəticələrə əsasən UFAZ-ın təklif etdiyi 160 yerin hamısı dolub.
