"İmtahan prosesinin asanlaşdırılması ilə bağlı müxtəlif mexanizmlər tətbiq olunur"

"İmtahan prosesinin asanlaşdırılması ilə bağlı Dövlət İmtahan Mərkəzi müxtəlif mexanizmlər tətbiq edir".
tehsilmedia.info xəbər verir ki, bunu Dövlət İmtahan Mərkəzinin şöbə müdiri Adıgözəl Həbibov II və III ixtisas qrupları üzrə qəbul imtahanı ilə əlaqədar canlı yayımda deyib.
O bildirib ki, bina tutumunun 250 nəfərlə məhdudlaşdırılması, imtahan zallarında orta hesabla 15 abituriyentin yerləşdirilməsi, abituriyentlərin tək-tək əyləşdirilməsi, zal nəzarətçisi sertifikatı almış şəxslərə üstünlük verilməsi, təcrübəli imtahan rəhbərlərinin prosesə dəvət olunması və digər bu kimi mexanizmlər imtahan prosesinin asanlaşdırılması məqsədilə tətbiq olunur.
"Bütün bunlar öz nəticəsini göstərir və iki gün ərzində imtahanlar təlimat qaydalarına uyğun olaraq təşkil edilib", - şöbə müdiri qeyd edib.