SABAH tələbələri Rumıniyada beynəlxalq mübadilə proqramında iştirak ediblər
SABAH tələbələri Rumıniyada beynəlxalq mübadilə proqramında iştirak ediblər.
TƏHSİL.BİZ xəbər verir ki, Naxçıvan Dövlət Universitetinin EMSA (Avropa Tibb Tələbələri Təşkilatı) üzvü olan Tibb fakültəsinin "Tibb” ixtisası üzrə təhsil alan SABAH tələbələri İlkin Hacıyev, İnci Aşurova, Aişə Məhərrəmova beynəlxalq mübadilə proqramı çərçivəsində Rumıniyanın paytaxtı Buxarest şəhərində “Carol Davila" (UMFCD) Tibb və Əczaçılıq Universitetində olublar. Tələbələr UMFCD universitetində praktiki anatomiya dərsində, tədris xəstəxanasında ortopedik əməliyyatlarda iştirak ediblər. Həmçinin ümumi cərrahi əməliyyatlarda iştirak edib, müşahidələr aparıb, laparoskopiya üzrə simulyasiyada iştirak edərək təlimlər alıblar. Tələbələr Buxarest şəhərində mədəni, sosial proqramlar və gəzintilər də iştirak ediblər.
