BSU-nun şəhid məzunu Elnur Allahverdizadənin doğum günüdür
Bu gün Bakı Slavyan Universitetinin (BSU) şəhid məzunu Elnur Allahverdizadənin doğum günüdür.
tehsilmedia.info xəbər verir ki, Elnur Allahverdizadə 1995-ci il, mayın 15-də Sumqayıt şəhərində anadan olub.
BSU-da tərcümə fakültəsində təhsil alıb.
Azərbaycan Silahlı qüvvələrinin əsgəri Elnur Allahverdizadə 2020-ci il sentyabrın 27-də erməni işğalı altında olan torpaqlarımızın azad edilməsi və ölkəmizin ərazi bütövlüyünün təmin olunması üçün başlanan Vətən müharibəsi zamanı noyabrın 7-də Ağdam -Xocavənd istiqamətində gedən döyüşlər zamanı Ağcabədi rayonunun Yuxarı Qiyaməddinli kəndində qəhrəmancasına şəhid olub.
Azərbaycan Respublikasının Prezidenti İlham Əliyevin müvafiq sərəncamlarına əsasən, ölümündən sonra "Vətən uğrunda", "Xocavəndin azad olunmasına görə" və "Cəsur döyüşçü" medalları ilə təltif edilib.
