Şəhid Məhəmməd Məmmədovun şəxsi əşyaları Tarix Muzeyinə təqdim edilib
Şəhid Məhəmməd Məmmədovun şəxsi əşyaları (baş geyimi, hərbi qeyd dəftəri, qol nişanı, 4 ədəd müxtəlif rəngli qələm və 5 ədəd rəngli fotoşəkil və s.) Milli Azərbaycan Tarixi Muzeyinin Vətən müharibəsi fonduna daxil edilib.
Bu barədə "tehsilmedia.info" a muzeydən məlumat verilib.
Məhəmməd Məmmədov 1995-ci il dekabrın 15-də Biləsuvar rayonunda anadan olub. O, Azərbaycan Ordusunda gizir rütbəsində xidmət edib. Vətən müharibəsi zamanı torpaqlarımızın işğaldan azad olunması uğrunda düşmənə qarşı gedən döyüşlərdə fədakarlıq göstərib. 2022-ci il sentyabrın 12-də şəhidlik zirvəsinə ucalıb. “Füzulinin azad olunmasına görə”, “Xocavəndin azad olunmasına görə”, “Şuşanın azad olunmasına görə” və digər medallarla təltif olunub.
