BDU-nun Hüquq fakültəsinə tələbə qəbulu aparılır
Bakı Dövlət Universitetinin (BDU) Hüquq fakültəsində bakalavriat pilləsində təhsil hüquqşünaslıq ixtisası üzrə əyani və qiyabi təhsilalma formasında həyata keçirilir.
Bu barədə "tehsilmedia.info"a BDU-dan məlumat verilib.
Hüquq fakültəsində 2 mərkəz, Hüquq Klinikası, Dövlət və hüquq nəzəriyyəsi və tarixi, Konstitusiya hüququ, Cinayət hüququ və kriminologiya, Cinayət prosesi, Kriminalistika və məhkəmə ekspertizası, Əmək və ekologiya hüququ, Mülki hüquq, Mülki proses və kommersiya hüququ, İnsan hüquqları və informasiya hüququ UNESCO, Beynəlxalq ümumi hüquq, Beynəlxalq xüsusi hüquq və Avropa hüququ, Əqli mülkiyyət hüququ kafedraları fəaliyyət göstərir.
Hüquqşünaslıq ixtisası üzrə universiteti bitirən məzunlar müxtəlif dövlət hakimiyyəti orqanlarında dövlət qulluqçusu, özəl sektorda peşəkar hüquq elminin müxtəlif sahələrində elmi-yaradıcılıq və pedaqoji fəaliyyətlə məşğul ola bilərlər.
Fakültədə tədris Azərbaycan, rus və ingilis dillərində aparılır.
