Magistraturada ixtisasını dəyişmək istəyənlərlə bağlı AÇIQLAMA

Magistratura səviyyəsində bakalavr ixtisasından fərqli ixtisas üzrə təhsilini davam etdirmək istəyən şəxslərin diplomunun tanınması ilə bağlı məsələyə aydınlıq gətirilib.

Təhsildə Keyfiyyət Təminatı Agentliyindən (TKTA) bildirilib ki, qüvvədə olan qaydalara əsasən, magistratura səviyyəsi üzrə ixtisas seçimi bakalavriat səviyyəsində əldə edilmiş ixtisasdan asılı olaraq aparılır.

Qeyd olunub ki, ixtisas seçimi Dövlət İmtahan Mərkəzi (DİM) tərəfindən hər il nəşr olunan “Magistratura səviyyəsi üzrə ixtisaslaşma seçimi cədvəli” əsasında həyata keçirilir.

Xarici kvalifikasiyaların tanınması zamanı da bu meyar əsas götürülür.

“İxtisas seçimi zamanı sözügedən cədvəllə tanış olmağınız tövsiyə olunur”, – deyə TKTA-dan qeyd edilib.