6 idmançı ADPU-ya müsabiqədənkənar qəbul olunub
2026-2027-ci tədris ili üçün ali təhsil müəssisələrinə qəbul imtahanlarının nəticələrinə əsasən ölkəmizi dünya müstəvisində uğurla təmsil etmiş 6 nəfər olimpiya və beynəlxalq idman yarışlarının mükafatçıları müsabiqədənkənar qaydada Pedaqoji Universitetin "Fiziki tərbiyə və çağrışaqədərki hazırlıq müəllimliyi" ixtisasına qəbul olunublar.
Bu barədə Tehsilmedia.com-a ADPU-dan məlumat verilib.
Bildirilib ki, Fərrux Şaiq oğlu Qaybalıyev uşaqlıq yaşlarından para-karate idman növü ilə məşğul olur. Fərrux bu idman növü üzrə 5 dəfə Azərbaycan çempionu və beynəlxalq yarışların mükafatçısı olub. 2026-cı ildə Almaniyanın Frankfurt şəhərində keçirilən parakarate üzrə Avropa çempionatında bürünc medal qazanıb.
İmaməddin Maarif oğlu Xəlilov 2022-ci ildə para-taekvondo üzrə Avropa çempionatında çıxış edib və gümüş medal qazanıb. 2023-cü ilin avqustunda o, para-taekvondo üzrə Avropa çempionatında 70 kq-a qədər çəki dərəcəsində qızıl medal qazan;b Həmin ilin sentyabrında para-taekvondo üzrə Dünya çempionatının qalibi olub. 2024-cü ildə para-taekvondo üzrə Avropa çempionu olub. İmaməddin 2024 Yay Paralimpiya Oyunlarının açılış paradında Azərbaycanın bayraqdarı olub. O, Azərbaycanı həmin Paralimpiya Oyunlarında uğurla təmsil edib və 70 kq qədər çəki dərəcəsində qızıl medal qazanaraq Azərbaycan tarixində para-taekvondo üzrə ilk Paralimpiya çempionu olub. Prezident İlham Əliyevin 10 sentyabr 2024-cü il tarixli sərəncamı ilə İmaməddin Xəlilov 1-ci dərəcəli "Vətənə xidmətə görə" ordeni ilə təltif edilib. O, hazırda dünya reytinqinə başçılıq edir.
İlhamiz Cahid oğlu Kərimov 2009-cu ildə Füzuli rayonun Əhmədbəyli kəndində anadan olub. 2024-cü ildə ağırlıqqaldırma üzrə Azərbaycan çempionu adını qazanıb. 2025-ci ildə Misir Ərəb Respublikasının Qahirə şəhərində keçirilən ağırlıqqaldırma üzrə Dünya çempionatında uğurlu nəticə göstərərək gümüş medal qazanıb. 2026-cı ildə Gürcüstanın paytaxtı Tbilisi şəhərində təşkil olunan parapauerliftinq üzrə Avropa Açıq çempionatında qızıl medalın sahibi olub.
Aysel Elçin qızı Əhmədli parakarate üzrə milli komandamızın üzvüdür. 2024-cü ildə I dan, 2026-cı ildə II dan qara kəmər dərəcəsinə layiq görülüb. 2022-ci ildə “Caspian Open”, 2024-cü ildə Azərbaycan Grand-pri yarışlarında qızıl medal qazanıb.2026-cı ildə Almaniyanın Frankfurt şəhərində keçirilən Avropa çempionatında III yerin sahibi olub. Aysel həmçinin cari ildə şokatan karate üzrə İstanbulda keçirilən yarışda dünya çempionu olub.
Amin Rizvan oğlu Şıxalıyev parataekvando üzrə milli komandamızın üzvü və üçqat Azərbaycan çempiondur. Amin 2023-cü ildə Amin Şıxaliyev Niderlandın Rotterdam şəhərində keçirilən Avropa paralimpiya çempionatında bürünc medal qazanıb. 2025-ci ildə Azərbaycan idmançıları Türkiyənin İstanbul şəhərində davam edən Avropa Gənclər Paralimpiya Oyunlarında bürünc medala sahib çıxıb. O, 2024-cü ildə “Azərbaycan Respublikasının İdman Ustası” dərəcəsinə layiq görülüb.
Aybəniz Cəlill qızı Babayeva güllə atıcılığı üzrə millimizin əsas üzvlərindəndir. O, 2023 cü ilin avqust ayında Hollandiyanin Rotterdam şəherində keçirilən Avropa cempionatinin bürünc medalçısı, həmin ilin sentyabr ayinda Perunun Lima şəherində keçirilən Dünya çempionatinda mix (kamanda atişinda ) gümüş medal və 2025 ci il Xorvatiyanın Osiyek şəherində keçirilən Avropa çempionatinda bürünc medal qazanıb. Aybəniz 2024-cü il Paris Yay Paralimpiya oyunların iştirakçısıdır.
