9 mart imtahanı: apellyasiya nəticələri nə vaxt açıqlanacaq? - DİM
Tam (11 illik) orta təhsil səviyyəsi üzrə 9 mart 2026-cı il tarixində keçirilmiş buraxılış imtahanının nəticələri elan olunub. Nəticələrindən narazı qalan şagirdlər apellyasiyaya müraciət ediblər.
Şagirdlər arasında apellyasiya nəticələrinin nə vaxt elan olunacağı ilə bağlı sual yaranıb.
Dövlət İmtahan Mərkəzindən (DİM) əldə etdiyimiz məlumata görə, apellyasiya prosesi aşağıdakı ardıcıllıqla aparılır:
Bildirilib ki, Apellyasiya Komissiyası tərəfindən haqqında müraciət olunan bütün işlər araşdırılır; Şagirdlərin müraciət etdikləri tapşırıqlar üzrə ekspert rəyi (yazılı şəkildə) apellyasiya ərizələrinə əlavə edilir; Şagirdlərin apellyasiya ərizələrində qeyd etdikləri telefon nömrəsinə apellyasiya prosesinin başa çatması ilə bağlı “sms” göndərilir.
Qeyd edək ki, apelyasiyaya müraciət edənlərin sayı 3509 nəfər olub.
