Sumqayıt məktəbində vətənpərvərlik ruhunda ədəbi tədbir keçirilib

Sumqayıt şəhər 41 saylı tam orta ümumtəhsil məktəbində deputat Mehriban Vəliyevanın təşəbbüsü ilə yazıçı, publisist, millət vəkili Elçin Mirzəbəylinin yaradıcılığına həsr olunmuş “Vətənin səsi, sözün gücü” adlı tədbir təşkil olunub.
Tədbirdə deputat Mehriban Vəliyeva, yazıçı Elçin Mirzəbəyli, Sumqayıt şəhər təhsil sektorunun müdiri İman Ağayev və digər qonaqlar iştirak ediblər.
Tədbirin əsas məqsədi şagirdlərdə vətənpərvərlik hisslərinin gücləndirilməsi, milli-mənəvi dəyərlərin aşılanması və ədəbiyyata marağın artırılması olub.
Tədbir çərçivəsində yazıçının əsərlərindən nümunələr səsləndirilib, şagirdlər tərəfindən bədii kompozisiyalar təqdim olunub.