Təhsilin "Sürətli Bişirmə" Metodu: 15 Günə Metodist, 18 İlə Boşa Gedən İllər
Azərbaycan Respublikasının Təhsil İnstitutu (ARTİ) son zamanlar bir "metodist fabriki"nə çevrilib. Hər ay elan olunan, bəzən isə pərdəarxası dəvətlərlə həyata keçirilən bu hazırlıq prosesi bir acı həqiqəti ortaya qoyur: Təhsil sistemi öz fəaliyyətsizliyini etiraf edir.
1. Metodika nə vaxtdan "Ekspress" kurs oldu?
İllərdir keçirilən kurikulum təlimləri, xaricdən gətirilən bahalı ekspertlər və milyonlarla manat vəsait hara getdi? Əgər bir müəllimə alt-standartdan təlim nəticəsi çıxarmağı, meyar müəyyənləşdirməyi 15 günə öyrətmək mümkündürsə, niyə bu biliklər 18 ildir kütləvi şəkildə bütün müəllimlərə aşılanmayıb?
ARTİ-nin bu hərəkəti dolayı yolla bir etirafdır: "Biz illərdir təlim keçirik, amma heç nə öyrətmirik." 15 günə "super-metodist" yetişdirmək iddiası ya təhsil elminə təhqirdir, ya da sadəcə büdcəni "eritmiək" üçün qurulmuş yeni bir mexanizmdir.
2. Müəllim hazırlamaq, yoxsa "Müəllim Sındırmaq"?
MİQ və Sertifikasiya imtahanları ilə müəllimləri stressə salan, onları "savadsızlıqla" ittiham edən sistem, nədənsə o savadı verməyə gələndə qeybə çəkilir. Müəllimləri maarifləndirmək əvəzinə, onları süründürməçiliyə məhkum etmək, etik qaydaları pozaraq aşağılamaq təhsilin deyil, şəxsi ambisiyaların xidmətində dayanmaqdır.
Sual olunur: Əgər hədəf keyfiyyətdirsə, niyə bu "möcüzəvi" 15 günlük proqram bütün müəllimlər üçün əlçatan edilmir? Niyə problem kökündən həll olunmur, əksinə, müəllimlərin başına "nəzarətçi" kimi metodistlər yığılır?
3. Büdcə yeyintisi və cavabsızlıq
Böyük layihələr, qrantlar və dövlət vəsaitləri təhsilin keyfiyyətinə deyil, kağız üzərindəki hesabatlara xidmət edir. Ortada nəticə yoxdursa, müəllim hələ də dərsi planlaşdıra bilmirsə, deməli, bu illər ərzində ayrılan vəsaitlər havaya sovrulub. Bu qədər uğursuzluğun müqabilində nə bir cəzalandırılan var, nə də məsuliyyət daşıyan.
tehsilmedia.info qeyd edir ki, ARTİ-nin "metodist toplama" kampaniyası təhsili xilas etmək yox, mövcud xaosu idarə oluna bilən səviyyədə saxlamaq cəhdidir. Müəllimi savadsız buraxıb, sonra onu savadsızlığına görə cəzalandırmaq və bu prosesdən "metodist" adı altında yeni bir bürokratik təbəqə yaratmaq təhsilə xəyanətdir.
Bu "oyun" dayandırılmalı, müəllimlərin ləyaqəti bərpa olunmalı və 15 günlük keçici həllər deyil, fundamental təhsil siyasəti yürüdülməlidir.
Azərbaycan Respublikasının Təhsil İnstitutu (ARTİ) son zamanlar bir "metodist fabriki"nə çevrilib. Hər ay elan olunan, bəzən isə pərdəarxası dəvətlərlə həyata keçirilən bu hazırlıq prosesi bir acı həqiqəti ortaya qoyur: Təhsil sistemi öz fəaliyyətsizliyini etiraf edir.
1. Metodika nə vaxtdan "Ekspress" kurs oldu?
İllərdir keçirilən kurikulum təlimləri, xaricdən gətirilən bahalı ekspertlər və milyonlarla manat vəsait hara getdi? Əgər bir müəllimə alt-standartdan təlim nəticəsi çıxarmağı, meyar müəyyənləşdirməyi 15 günə öyrətmək mümkündürsə, niyə bu biliklər 18 ildir kütləvi şəkildə bütün müəllimlərə aşılanmayıb?
ARTİ-nin bu hərəkəti dolayı yolla bir etirafdır: "Biz illərdir təlim keçirik, amma heç nə öyrətmirik." 15 günə "super-metodist" yetişdirmək iddiası ya təhsil elminə təhqirdir, ya da sadəcə büdcəni "eritmiək" üçün qurulmuş yeni bir mexanizmdir.
2. Müəllim hazırlamaq, yoxsa "Müəllim Sındırmaq"?
MİQ və Sertifikasiya imtahanları ilə müəllimləri stressə salan, onları "savadsızlıqla" ittiham edən sistem, nədənsə o savadı verməyə gələndə qeybə çəkilir. Müəllimləri maarifləndirmək əvəzinə, onları süründürməçiliyə məhkum etmək, etik qaydaları pozaraq aşağılamaq təhsilin deyil, şəxsi ambisiyaların xidmətində dayanmaqdır.
Sual olunur: Əgər hədəf keyfiyyətdirsə, niyə bu "möcüzəvi" 15 günlük proqram bütün müəllimlər üçün əlçatan edilmir? Niyə problem kökündən həll olunmur, əksinə, müəllimlərin başına "nəzarətçi" kimi metodistlər yığılır?
3. Büdcə yeyintisi və cavabsızlıq
Böyük layihələr, qrantlar və dövlət vəsaitləri təhsilin keyfiyyətinə deyil, kağız üzərindəki hesabatlara xidmət edir. Ortada nəticə yoxdursa, müəllim hələ də dərsi planlaşdıra bilmirsə, deməli, bu illər ərzində ayrılan vəsaitlər havaya sovrulub. Bu qədər uğursuzluğun müqabilində nə bir cəzalandırılan var, nə də məsuliyyət daşıyan.
tehsilmedia.info qeyd edir ki, ARTİ-nin "metodist toplama" kampaniyası təhsili xilas etmək yox, mövcud xaosu idarə oluna bilən səviyyədə saxlamaq cəhdidir. Müəllimi savadsız buraxıb, sonra onu savadsızlığına görə cəzalandırmaq və bu prosesdən "metodist" adı altında yeni bir bürokratik təbəqə yaratmaq təhsilə xəyanətdir.
Bu "oyun" dayandırılmalı, müəllimlərin ləyaqəti bərpa olunmalı və 15 günlük keçici həllər deyil, fundamental təhsil siyasəti yürüdülməlidir.
