UNEC-in şəhid məzunu Məhəmməd Qarayevin xatirəsi yad edilib

UNEC Həmkarlar İttifaqı Komitəsinin sədri Rüfət Süleymanlı, Biznes və menecment fakültəsinin dekanı dosent Mirağa Əhmədov, Tələbə Həmkarlar İttifaqı Komitəsinin sədri İlkan Əliyev şəhid Məhəmməd Qarayevin məzarını ziyarət edərək gül dəstələri düzüb, ailəsinə başsağılığı veriblər.

Bu barədə "tehsilmedia.info"a UNEC-dən məlumat verilib.

Bildirilib ki, UNEC-in kollektivi şəhidin xatirəsinə özəl hazırlanmış hədiyyəni və fəxri fərmanı ailəsinə təqdim edib.

Məhəmməd Mahir oğlu Qarayev 2001-cü il noyabrın 16-da Qəbələ şəhərində anadan olub. 2007-2018-ci illərdə Qəbələ şəhəri 4 saylı orta məktəbində təhsil alıb. 2018-2022-ci illərdə Azərbaycan Dövlət İqtisad Universitetinin (UNEC) Biznes və menecment fakültəsində təhsil alıb. 2022-ci ilin iyul ayında həqiqi hərbi xidmətə yollanıb. Mayın 12-də Kəlbəcər istiqamətində düşmən təxribatının qarşısını alarkən şəhidlik zirvəsinə ucalıb.