UNEC-ə qəbul olmaq istəyən əcnəbi vətəndaşların NƏZƏRİNƏ
Azərbaycan Dövlət İqtisad Universitetində (UNEC) 2023/2024-cü tədris ili üçün əcnəbilərin sənəd qəbuluna başlanılıb.
Bu barədə "tehsilmedia.info”a UNEC-dən məlumat verilib.
Bildirilib ki, əcnəbilər ixtisaslardan asılı olaraq, Azərbaycan, türk, ingilis və rus dillərində təhsil ala bilərlər.
Sənədlər avqustun 31-dək qəbul ediləcək. Dərslərin sentyabrın15-də başlanması nəzərdə tutulur.
Əlaqə və suallar üçün: admission@unec.edu.az ünvanına müraciət etmək olar. Mayın 20-dən avqustun 30-dək həftəiçi hər gün saat 11:00-dan 11:30–dək onlayn məsləhətlər "Zoom” proqramı üzərindən aparılacaq. Əcnəbilərin qəbulu elektron formada həyata keçirilir. Əlavə məlumat və qəbul üçün lazım olan sənədlərin siyahısı ilə UNEC-in saytında tanış olmaq mümkündür.
