Britaniyada məktəbli IQ testindən 162 mümkün baldan 160 bal toplayıb

Britaniyada məktəbli Sayrus Lyun “Mensa” IQ testindən 162 mümkün baldan 160 bal toplayıb.

Bu barədə Daily Mail-ə istinadən xəbər veririk.

Nəticələrə əsasən, oğlan planetin ən ağıllı insanlarının klubu kimi tanınan “Mensa” təşkilatına qəbul edilib. Bu təşkilata ancaq IQ səviyyəsi dünya əhalisinin 98 %-dən yüksək olanlar qoşula bilər.

Lyunun nisbilik nəzəriyyəsinin müəllifi Albert Eynşteyn və astrofizik Stiven Hokinq kimi dahi alimlərlə eyni səviyyəli intellektə malik olduğu hesab olunur.

Məlumdur ki, Lyun fortepianoda ifa edir və gələcəkdə riyaziyyatçı olmaq istəyir. Məktəbli özü belə yüksək bal toplayacağını düşünməyib.