Masallıda korrupsioneri təbliğ edən trollar da cəzlanmalıdır

Masallı rayonunun Mənzil Kommunal Təsərrüfat İstehsalat Birliyinin rəisi Məhərrəm Əliyevin qanunsuz əməlləri barədə daxil olmuş müraciət əsasında rayon prokurorluğunda araşdırma aparılıb. Araşdırma zamanı dövlət büdcəsinə məxsus ümumilikdə 104 min manatdan artıq pul vəsaitin mənimsənilməsi və israf edilməsinə əsaslı şübhələr müəyyən edilib.
Faktla bağlı rayon prokurorluğunda Cinayət Məcəlləsinin 179.3.2-ci (külli miqdarda mənimsəmə və israf etmə) və 308.1 (vəzifə səlahiyyətlərindən sui istifadə etmə) maddələrilə cinayət işi başlanılmaqla istintaq aparılır.
Saytımıza etibarlı mənbədən sızan məlumata görə Məhərrəm Əliyev rayonda özünü yeri gəldi-gəlmədi təriflətmək, korrupsiya əməllərindən yayınmaq üçün sosial şəbəkələrdə təbliğ edən "jurnalist" və demaqoq şəxslərdən ibarət troll dəstəsi saxlayırmış. Belə şəxslərin adı işdə, özü evdə olan yaxın qohumlarının adına işçi kartı alaraq susur, Məhərrəmin yalı ilə bəhrələnərək onun lazımsız işlərini təbliğ edir, birlikdə şəkillər çəkdirərək sosial şəbəkələrdə paylaşırmışlar.
Ümid edirik, prokurorluq bu kimi halları da araşdıraraq cəmiyyətə ləkə olan belə ünsürlər barədə ölçü götürəcəkdir.