UNEC ilə "Naxçıvan" Universiteti arasında tələbə mübadiləsinə start verilib
“Naxçıvan” Universitetinin rektoru dosent Anar Kazımovun rəhbərlik etdiyi nümayəndə heyəti UNEC-də olub.
UNEC-dən "tehsilmedia.info"a bildirilib ki, rektor Ədalət Muradov görüşdə universitetlər arasında bu ilin aprel ayında imzalanmış əməkdaşlıq müqaviləsi çərçivəsində görülən işlər müzakirə olunub. “Naxçıvan” Universitetinin müəllim və tələbə heyətinin UNEC-in e-kitabxanasından istifadəsinin təmin olunduğu, “E-Views əsaslı Ekonometrika” fənni üzrə təlim proqramında “Naxçıvan” Universitetinin 5 əməkdaşının uğurla iştirak etdiyi bildirilib. Yaz semestrindən isə tələbə mübadiləsinə start veriləcəyi qeyd olunub.
Rektor Anar Kazımov UNEC-in beynəlxalq reytinqlərdə dünya universitetləri ilə bır sırada dayanmasından qürur duyduğunu ifadə edərək bu ali təhsil ocağının təcrübəsinin “Naxçıvan” Universitetinə böyük töhfələr qazandıracağından əminliyini bildirib.
Müzakirələrdən sonra rektorlar tələbə mübadiləsinə dair razılaşma protokolu imzalayıblar.
