BDU-nun Kimya və Biologiya fakültələrində çexiyalı professorlarla görüş olub
Bakı Dövlət Universitetinin (BDU) Biologiya və Kimya fakültələrində Çexiyanın Karlov Universitetinin Elmlər fakültəsinin əməkdaşları ilə görüşlər keçirilib.
Bu barədə "tehsilmedia.info"a BDU-dan məlumat verilib.
Karlov Universitetinin Elmlər fakültəsinin dekanı professor Jiri Zima, dekan müavini, professor İvan Nemec, Qeyri-üzvi kimya İnstitutunun direktor müavini Jiri Plocek, Qeyri-üzvi kimya kafedrasının müdiri, professor Petr Stepnicka, Zoologiya kafedrasının assistant professoru, ERASMUS koordinatoru Vera Opatovanın iştirakı ilə keçirilən görüşlərdə qarşılıqlı əməkdaşlıq haqqında məsələlər, magistratura mərhələsində yüksək molekullu birləşmələr kimyası ixtisaslaşmasında ikili diplom proqramı, elmi tədqiqat sahəsində qrant layihələri və “Erasmus+” proqramı çərçivəsində tələbə-müəllim mübadiləsi barədə geniş fikir mübadiləsi aparılıb.
