DİM tərəfindən sentyabr ayında göstərilmiş xidmətlərin statistikası açıqlanıb
Dövlət İmtahan Mərkəzi (DİM) tərəfindən sentyabr ayında göstərilmiş xidmətlərin statistikası açıqlanıb.
Mərkəzdən "tehsilmedia.info"a bildirilib ki, sentyabr ayında keçirilmiş imtahanlarda 3063 nəfər iştirak edib.
Mərkəzin elektron xidmətlərindən istifadə sayı 233 min 403 olub. Sentyabr ayı ərzində 2013 vətəndaş qəbul edilib. Beynəlxalq imtahanlarda 72 nəfər iştirak edib. Çağrı Mərkəzi vasitəsilə 11 min 971, elektron poçt vasitəsilə 2500-ə yaxın, sosial şəbəkələr vasitəsilə 2700-ə yaxın müraciət cavablandırılıb. Çatbota daxilolma sayı 3682 olub. Abituriyent məsləhət mərkəzlərinə 615 müraciət daxil olub.
