"Müəllimi imtahan edənlər özləri imtahanla işə giriblər?"
"Sertifikasiya ona görə lazımdır ki, müəllimlərimiz ən azından 3-5 ildən bir müəyyən qədər bilik və bacarıqlarını təkmilləşdirsinlər".
tehsilmedia.info xəbər verir ki, bunu təhsil eksperti Kamran Əsədov deyib.
Ekspert bunun mütləq şəkildə vacib olduğunu vurğulayıb.
"Müəllimləri imtahan edənlər özləri də imtahan vasitəsi ilə işlə təmin olunublar? Bu imtahanı elə adamlar etməlidir ki, onlar özləri imtahanla işə qəbul ediliblər. Bunun üçün də müəllimlər maaşların artımına görə, ən azından öz üzərlərində işləmələrini nəzərə alsaq, sertifikasiyaya cəlb edilməlidirlər, lakin imtahan sualları və imtahan edənlərin mütləq şəkildə dəyişdirilməsinə ehtiyac var", - deyə K.Əsədov qeyd edib.
