Azərbaycan və Özbəkistan arasında təhsil əməkdaşlığı: Ekspertdən yeni təkliflər
"Prezident İlham Əliyevin də qeyd etdiyi kimi, Azərbaycan və Özbəkistan arasında olan münasibətlər, xüsusilə təhsil sferasında, ümumi əlaqələrin daha da genişlənməsi və dərinləşməsinə xidmət edir. O cümlədən, təhsil sahəsində əməkdaşlıq təkcə təhsil deyil, eyni zamanda mədəni-humanitar tərəfdaşlığın da əsas aparıcı funksiyalarından biri kimi çıxış edir".
Tehsilmedia.com məlumat verir ki, bu sözləri Redaktor.az-a açıqlamasında elm və təhsil məsələləri üzrə mütəxəssis Elçin Əfəndi bildirdi.
"Təsadüfi deyil ki, son dövrlər bizim türk dövlətləri ilə olan əlaqələrin genişlənməsi ümumi, gələcəyə yönümlü alınacaq qərarlara da bir növ təsir göstərir. Xüsusilə Özbəkistanla bizim ümumi təhsil sahəsində əməkdaşlığımız var. Füzuli şəhərində Mirzə Uluq bəy adına orta məktəb tikilərək istifadəyə verildi. Bizim tələbələrin Gürcüstan ali təhsil müəssisələrində təhsilini davam etdirməsi ilə bağlı bəzi mübadilə proqramlarının tətbiqi, eyni zamanda Gürcüstandakı tələbələrin bizdə təhsil almaları və s. işlər nəzərdə tutulur. Bununla paralel, düşünürəm ki, biz həm peşə təhsili istiqamətində müvafiq təhsil proqramlarını tətbiq edə bilərik, birgə kadr hazırlığı və s. həyata keçirə bilərik. O cümlədən, bəzi istiqamətlərdə, xüsusən tarix dərsliyi və s. düşünürəm ki, ortaq bir türk tarixi kimi, yəni bu tarix dərsliyində də müəyyən informasiyaları hər ikimiz, yəni hər iki ölkə dərslikdə istifadə edə bilərik".
Müsahibimizin fikirincə, gələcək dövr ərzində ola bilsin, mədəniyyət sahəsində də biz əməkdaşlığı daha da dərinləşdirək:
"Mədəniyyət sahəsini nə üçün qeyd edirəm? Çünki ortaq musiqilərimiz var və s."
