Qubadlı məktəbinin bir sinfinin 8 məzunu 600-dən çox bal toplayıb
Qubadlı rayon Hafiz Quliyev adına Çaytumas kənd tam orta məktəbin 8 nəfər məzunu 600, 5 nəfər məzunu isə 500 baldan yuxarı nəticə göstərib. Yüksək nəticə göstərən 8 nəfər məzun bir sinfin şagirdidir.
Şərqi Zəngəzur Regional Təhsil İdarəsindən Tehsilmedia.com-a bildirilib ki, Çaytumas məktəbinin 4 il (2021, 2022, 2023 və 2024-cü illər) ərzində şagirdlərinin ali təhsil müəssisələrinə qəbul nəticəsi 100 faiz olub. 2025-ci ildə isə qəbul 96 faiz təşkil edib.
Bildirilib ki, bu il məktəbin 50 nəfər məzunu var, onlardan 7 nəfəri məktəbi fərqlənmə attestatı ilə bitirib.
