Lənkəran məktəbinin köçürülməsi iddiaları ilə bağlı AÇIQLAMA

Son günlər Lənkəran şəhəri Vaqif Əliyev adına 4 nömrəli humanitar təmayüllü məktəb-liseyin təmir işləri ilə əlaqədar müəllim-şagird kollektivinin digər bir məktəbə köçürüləcəyi barədə iddialar yayılıb.

"Tehsilmedia.com" xəbər verir ki, Lənkəran-Astara Regional Təhsil İdarəsinin müdiri Bəhruz Mehdiyev sosial şəbəkə hesabında məsələ ilə bağlı paylaşım edərək iddiaların əsassız olduğunu bildirib: "Bildirim ki, hazırda təsdiq edilmiş plan üzrə məktəbin binasında təmir işləri aparılır. İşlərin yeni tədris ilinin başlanmasına qədər yekunlaşdırılması nəzərdə tutulur. Məktəb yeni tədris ilində fəaliyyətini öz binasında davam etdirəcək.

Vətəndaşlardan məlumatları yalnız rəsmi və dəqiq mənbələrdən əldə etmələri, təsdiqlənməmiş məlumatların yayılmasına yol verməmələri xahiş olunur", – deyə paylaşımda qeyd olunub.