Türkiyənin Akdeniz Universitetinin nümayəndəsi BMU-da səfərdədir - FOTO
Türkiyənin Akdeniz Universitetinin Dənizçilik-Liman İdarəetmə Bölməsi və Peşə Məktəbinin əməkdaşı Mehlika Arısoy “Erasmus+KA1” mübadilə proqramı çərçivəsində Bakı Mühəndislik Universitetində (BMU) səfərdədir.
Bu barədə "tehsilmedia.info"a BMU-dan bildirilib.
Universitetin Xarici əlaqələr və layihələrin idarə olunması şöbəsinin təşkilatçılığı ilə baş tutan səfər çərçivəsində bır sıra görüşlər keçirilib.
BMU-nun Logistika və nəqliyyat texnologiyaları kafedrasının müəllim-professor heyəti ilə görüşdə əməkdaşlıq və əlaqələrin qurulmasının mümkün yolları müzakirə edilib. Qonağa BMU-da yaradılan təhsil mühiti və təhsil proqramları haqqında ətraflı məlumat verilib.
Bir həftəlik səfər proqramına uyğun olaraq Mehlika Arısoy tələbələr qarşısında mühazirə ilə çıxış edib.
BMU-nun tədris binaları, Texnoparkı ilə də yaxından tanış olan qonaq həmçinin, Abşeron Logistika Mərkəzini ziyarət edib, infrasturuktur və iş prosesi ilə yaxından tanış olub.
