AzMİU-nun həyətində taxta tullantıları yanıb- YENİLƏNİB

Azərbaycan Memarlıq və İnşaat Universitetinin həyətində taxta tullantıları yanıb.

AzEdu.az xəbər verir ki, bu barədə FHN-dən bildirilib.

Məlumata görə, yanğın yanğından mühafizə bölmələri tərəfindən qısa müddətdə söndürülüb. Xəsarət alan olmayıb.

15:20

Azərbaycan Memarlıq və İnşaat Universitetində (AZMİU) yanğın hadisəsi baş verib.

Universitetdən AzEdu.az-dan verilən məlumata görə, hadisə universitetin həyətində – I saylı tədris korpusunun yaxınlığında baş verib. Hadisə nəticəsində I saylı tədris korpusunda tüstülənmə olub. Bu səbəbdən bütün müəllim və tələbə heyəti təxliyə edilib.

Fövqəladə Hallar Nazirliyindən (FHN) isə sorğumuza cavab olaraq bildirilib ki, universitetin həyətində taxta tullantıları yanıb.

Yanğın yanğından mühafizə bölmələri tərəfindən qısa müddətdə söndürülüb. Xəsarət alan olmayıb.