73 saylı tam orta məktəbin önündə İNSİDENT – Valideynlər arasında BIÇAQLANMA !

Paytaxtın 73 saylı tam orta məktəb ətrafında baş verən hadisə ciddi narahatlıq yaradıb.

İlkin məlumatlara görə, hadisə məktəbdən kənarda – valideynlərin də iştirak etdiyi bir mübahisə zamanı baş verib. Şahidlərin bildirdiyinə əsasən, tərəflər arasında gərginlik “maşını çox yaxın saxlama” xəbərdarlığı ilə başlayıb. Sözlü mübahisə qısa müddətdə aqressiv qarşıdurmaya çevrilib.

Millisfera.az xəbər verir ki , Alyans.media-nın əldə etdiyi məlumata əsasən, tərəflərdən biri digərini hədələyərək “bıçaqlayaram” ifadəsini işlədib. Qarşı tərəfin buna məhəl qoymaması isə vəziyyəti daha da alovlandırıb. Nəticədə həmin şəxs üzərində olan bıçağı çıxararaq qarşı tərəfə zərbə endirib.

Məlumata görə, bıçaqlanan şəxs peşəkar ustalardan biri olub və hadisə zamanı ağır xəsarət alıb. Yaralı dərhal tibbi yardıma çatdırılıb.

Hadisənin dəqiq səbəbləri və tərəflər arasında əvvəlcədən hər hansı münaqişənin olub-olmaması hazırda araşdırılır. Hüquq-mühafizə orqanları faktla bağlı araşdırmalara başlayıb.