Texnologiya dərsində ailə əməkdaşlığı
1 “A” sinfinin sinif rəhbəri Səadət Adnalıyeva texnologiya dərsini adi bir dərs çərçivəsindən çıxararaq onu yadda qalan, səmimi və birləşdirici bir təcrübəyə çevirib. Müəllim–şagird–valideyn əməkdaşlığını gücləndirmək məqsədilə təşkil olunan “Paytaxt salatı” hazırlanması yarışı dərsə xüsusi rəng qatıb.
Valideynlərin fəal iştirakı, uşaqların isə böyük maraq və sevinc içində bu prosesi izləməsi dərsin nə qədər uğurlu qurulduğunu bir daha göstərib. Yarışın sonunda isə əsas qalib müəyyən bir komanda deyil, dostluq, yoldaşlıq, sevgi və birlik ruhu olub.
Dərsin davamında şagirdlərə yemək fasiləsi verilib və hər bir uşaq hazırlanmış salatlardan dadaraq bu xoş anların bir hissəsinə çevrilib.
Yaradıcılığı, pedaqoji baxışı və özünəməxsus imzası ilə seçilən Səadət Adnalıyevaya bu mənalı, maraqlı və nümunəvi dərs üçün dərin təşəkkürümüzü bildiririk.
Dərsdən kiçik bir videonu sizlər üçün təqdim edirik :
