BDU-da tədbir: “Tarixə yazılan ömür -100”
Bakı Dövlət Universitetinin (BDU) SABAH qruplarının təşkilatçılığı ilə "Gənc tarixçilər” klubunun "Tarixə yazılan ömür-100" adlı tədbiri keçirilib.
tehsilmedia.info xəbər verir ki, tədbirdə SABAH qruplarının II kurs Tarix müəllimliyi ixtisasının tələbəsi Xanım Günəşli "Heydər Əliyevin Azərbaycana rəhbərliyinin I dövrü" məruzəsi ilə çıxış edib. Məruzədə Ulu Öndərin Azərbaycanda 1969-1982-ci illər ərzində həyata keçirdiyi quruculuq işləri, müstəqilliyə doğru böyük dönüş və milli oyanışın başlanması barədə ətraflı məlumat verilib.
SABAH qruplarının II kurs Tarix müəllimliyi ixtisasının tələbələrinin iştirakı ilə hazırlanmış videoçarxda Ümummilli Lider Heydər Əliyevin Azərbaycana rəhbərliyinin II dövrü əks olunub.
SABAH qruplarının II kurs Tarix müəllimliyi ixtisasının tələbəsi Pərvanə Əlizadə "Heydər Əliyevin gənclər siyasəti" məruzəsində isə Ulu Öndərin gənclərin təhsili, inkişafı ilə bağlı həyata keçirdiyi tədbirlər haqqında danışıb.
"Heydər Əliyevin həyatı və siyasəti" adlı videoçarxın nümayişindən sonra SABAH qruplarının IV kurs Tarix müəllimliyi ixtisasının tələbəsi Azər Həndəmov "Türk dünyasının mədəniyyət paytaxtı Şuşada yenidənqurma və bərpa işləri" adlı məruzə edib.
