Bağça müəllimlərinin işə qəbulunun müsahibə mərhələsi keçirilir
Bakı Şəhəri üzrə Təhsil İdarəsinin (BŞTİ) tabeliyindəki məktəbəqədər təhsil müəssisələrinə tərbiyəçi-müəllimlərin işə qəbulu üzrə müsabiqənin müsahibə mərhələsi keçirilir.
Bu barədə tehsilmedia.info-a BŞTİ-dən məlumat verilib:
Bildirilib ki, test imtahan mərhələsində uğur qazanan (35 və daha çox bal toplayan) və ötən ilin dekabr ayınadək müsahibə və vakansiya seçimi müraciətlərində qeydiyyatdan keçən namizədlər bal ardıcıllığına uyğun olaraq müsahibə mərhələsinə dəvət olunurlar.
Qeyd edək ki, müsahibə mərhələsində namizədlərin psixoloji və peşəkar keyfiyyətləri müvafiq komissiya tərəfindən yoxlanılır. Müsahibənin nəticəsi namizədin şəxsi kabinetinə göndəriləcək.
Nəticələrlə bağlı müraciətlərə müsabiqə başa çatdıqdan sonra Apelyasiya Komissiyası tərəfindən bir həftə ərzində baxılacaq.
