BDU-da tələbələr imtahan stresinə səbəb olan faktorlar barədə məlumatlandırılıb - FOTO
Bakı Dövlət Universitetinin (BDU) Psixoloji yardım sektoru tərəfindən tələbələr üçün “İmtahan stresinin idarə olunması” adlı təlim keçirilib.
BDU-dan "tehsilmedia.info" a bildirilib ki, təlim zamanı tələbələrə stresin həyatımıza təsiri, idarə olunması yolları, stres reaksiyaları, imtahan stresinə səbəb olan faktorlar haqqında ətraflı məlumat verilib. Qeyd edilib ki, gündəlik həyatımızda stres müxtəlif faktorlarla bağlı meydana çıxa bilər.
Təlimdə tələbələrə stres zamanı istifadə edilə biləcək effektiv və düzgün nəfəs, proqressiv əzələ rahatlama texnikaları izah edilib, onların sualları cavablandırılıb.
