Regional Təhsil İdarəsinin müdiri Sənan Mənsimlinin diplomu yayıldı - Təhsillə əlaqəsi yoxdur
Şirvan-Salyan Regional Təhsil İdarəsinin müdiri Sənan Mənsimlinin 2009-2013ci illər ərzində təhsil aldığı Azərbaycan Texnologiya Universiteti tərəfindən verilən diplomun şəkili sosial şəbəkələrdə yayılıb.
tehsilmedia.info Kanal15.az-a istinadən xəbər verir ki, diplomdan da göründüyü kimi onun ixtisası nə "İdarəetmə"yə nə də ki, "Təhsilə" aiddir. O, Azərbaycan Texnologiya Universitetinin Telekommunikasiya fakultəsinin Rabitə qovşaqları və Kommutasiya sistemləri ixtisası üzrə təhsil alıb.
Həmçinin qeyd edib ki, Sənan Mənsimli 1987-ci ildə Biləsuvar şəhərində anadan olub. S.Mənsimli bu təyinata qədər Təhsil Nazirliyinin 13 saylı Ərazi Maliyyə Hesablaşma Mərkəzinin rəisi olub.
2022-ci ildə isə Şirvan-Salyan Regional Təhsil İdarəsinin müdiri vəzifəsinə təyin olunub.
Yazıda adı çəkilən şəxs və qurumların mövqeyini dərc etməyə hazırıq
