Bu şəxslər dövlət qulluğuna qəbul imtahanında iştirak edə bilməzlər
Ali təhsil müəssisələrinin bakalavriat səviyyəsinin sonuncu kursunda oxuyan şəxslər dövlət qulluğuna qəbul imtahanında iştirak edə bilməzlər.
tehsilmedia.info xəbər verir ki,bu barədə "Tehsil.biz"ə Dövlət İmtahan Mərkəzindən məlumat verilib.
Bildirilib ki, müsabiqədə iştirak üçün qeydiyyat zamanı ali təhsil barədə diplom məlumatları tələb olunur.
Eyni zamanda test imtahanından keçmiş namizəd imtahanın nəticələri elan edildiyi gündən 10 iş günü müddətində Dövlət İmtahan Mərkəzinin saytında dövlət qulluğu üzrə müraciət formasını doldurur və bu formaya ali təhsil haqqında sənədin (diplomun) skan edilmiş surəti də əlavə edilməlidir.
Mərcanə Əsədova
