BDU-da “Akademik Zərifə Əliyeva -100” adlı kitab sərgisi açılıb - FOTO

Bakı Dövlət Universitetinin Elmi Kitabxanası akademik Zərifə Əliyevanın 100 illik yubileyinə həsr edilmiş kitab sərgisi təşkil edib.

Bu barədə "tehsilmedia.info"a BDU-dan bildirilib.

"Terapevtik oftalmologiya", "İridodiaqnostikanın əsasları" kimi nadir elmi əsərlərin həmmüəllifi, 12 monoqrafiya, dərslik və dərs vəsaitinin, 150-yə yaxın elmi işin, 1 ixtira və 12 səmərələşdirici təklifin müəllifi olan akademik Zərifə Əliyevanın elmi irsi alimin doğum günündə sərgilənir. Sərgidə həmçinin, akademik Zərifə xanım Əliyeva haqqında görkəmli şəxslərin fikirləri, onun haqqında yazılmış kitablar, həyat və fəaliyyətinə dair nəşrlər, biblioqrafik göstəricilər, foto albomlar da nümayiş olunur.

BDU-da akademik Zərifə Əliyevanın 100 illik yubileyinə həsr olunmuş Respublika konfransında da nümayiş olunan sərgi konfrans iştirakçılarının, habelə qonaqların böyük marağına səbəb olub.