BMU-da “CV necə hazırlanmalıdır?” mövzusunda təlim keçirilib - FOTO
Bakı Mühəndislik Universitetinin (BMU) İqtisadiyyat və idarəetmə fakültəsində Mühasibat ixtisası üzrə təhsil alan tələbələr üçün “CV necə hazırlanmalıdır?” mövzusunda təlim keçirilib.
tehsilmedia.info xəbər verir ki, universitetin Müəssisələrlə Əlaqələr və Karyera departamentinin təşkilatçılığı ilə, Karyera planlaması fənni çərçivəsində baş tutan təlimdə “Aqrowest DC” MMC-nin aparıcı HR (İnsan resursları) mütəxəssisi Mürsəl Mürsəlli çıxış edib.
Mütəxəssis tələbələrə işə qəbul və müsahibə prosesi ilə bağlı müvafiq prosedurlar izah edib, həmçinin CV hazırlanmasında vacib nüanslar haqda ətraflı məlumat verib.
Tələbələrlə diskussiya şəklində davam edən təlimdə işə qəbul və müsahibələrə hazırlıq proseduru üzrə oyunlar təşkil edilib, mövzularla bağlı müvafiq tapşırıqlar icra olunub.
