UNEC Dekanlar Şurasının ilk toplantısı keçirilib
Azərbaycan Dövlət İqtisad Universiteti (UNEC) Dekanlar Şurasının ilk toplantısı keçirilib.
UNEC-dən "tehsilmedia.info" a bildirilib ki, dekanları vahid mərkəzdə birləşdirərək, fakültələrdəki yenilikləri bölüşmək və problemlərin müzakirəsini təşkil etmək məqsədilə yaradılan Şuranın ilk iclasında rektor professor Ədalət Muradov, dekanlar və müvafiq struktur rəhbərləri iştirak ediblər.
Toplantıda tələbələrin təcrübəsinin yeni qaydalara uyğun təşkili vəziyyəti, fakültələr üzrə nəticələri, eləcə də fakültələrin idarəetmə sisteminin optimallaşdırılması məsələləri müzakirə edilib və təkliflər səsləndirilib. Həmçinin gündəlikdə olan məsələlərin icrası ilə bağlı rektor tərəfindən zəruri tapşırıqlar verilib.
