Müəllimlər bu səbəbdən dərs keçmirlər – ŞOK SƏBƏB

Məlumdur ki, müəllimlərin işə qəbulu üzrə müsabiqənin test imtahanının nəticələri açıqlanıb. 11-15 iyul tarixlərində keçirilən namizədlərin test imtahanlarının nəticələri şəxsi hesablarına göndərilib.

Qeyd edək ki, ümumtəhsil müəssisələrində müəllimlərin işə qəbul üzrə müsabiqəsinin bütün fənlər üzrə minimum tələbi 40 bal müəyyən olunub. Növbəti proses isə müıllimlərin yığdıqları bala uyğun olaraq məktəblərə yerləşdirilməsidir.
İmtahanı uğurla başa vuran bəzi müəllimlər seçim mərhələsində iştirak etsələr də, sonra həmin məktəblərdə dərs keçməyə getmirlər. Bu demək olar ki, hər il təkrarlanır. Belə olduqda məktəb kadrsız qalır, həmçinin dövlət vəsaiti boşuna gedir.
Təhsil eksperti Adil Vəliyev bildirir ki, həmin vakant yerlər boş qaldıqda məcburən dərslərə qeyri-ixtisas müəllimləri girir. Belə olduqda şagirdlər həmin dərsi mənimsəyə bilmirlər. Üstəlik bir çox şəxs boş yer qalmadığı üçün şansını itirir.
Ekspertlər hesab edir ki, müəllimlərin işə qəbulundan əvvəl onlarla görüş keçirilməli və məktəbdə minimum neçə il fəaliyyət göstərməsi ilə bağlı razılaşma olmalıdır. Ucqar rayonlarda olan müəllimlərə müəyyən güzəştlər təklif edilərsə, həmin məktəblərdə dərs deməyə maraqlı olarlar.
Elm və Təhsil Nazirliyi yanında İctimai Şuranın üzvü İlqar Orucov isə qısa müddət ərzində məktəbdən imtina edən müəllimlər haqqında daha sərt qərarların verilməsinin tərəfdarıdır.
Qeyd edək ki, MİQ imtahanından narazı qalanlar da var. Bir qrup müəllim Azərbaycan dili və Ədəbiyyat suallarında səhvə yol verildiyini bildirib.

TƏHSİL MEDİA