Şagirdlərin məktəbə telefon gətirməsi qadağandır yoxsa tövsiyə olunur? -ARAŞDIRMA

İnternetləşən dövrdə smartfonlardan istifadə zəruri hal alıb. Belə ki, smartfonların istifadəsi təhsil həyatına da təsir edir. Bir çox şagirdlər mobil telefonlarla dərsə gəlirlər.

tehsilmedia.info xəbər verir ki, şagirdlərin sözlərinə görə, onlar telefonu valideynlərinə xəbər etmək və dərs oxumaq üçün istifadə edirlər. Valideynlər də deyir ki, övladlarından xəbər almaq üçün məcburən verirlər. Psixoloq Gülər Məmmədova bildirir ki, valideynlər müəyyən sövdələşmə ilə övladlarına izah etməlidir ki, məktəbə telefon aparmaq olmaz. Yalnız nadir hallarda valideynlə əlaqə yaratmaq üçün istifadə oluna bilər. Bəzi məktəblərdə uşaqlara telefon qadağası etmədən onların fikrini dərsə cəmləmək üçün müəyyən üsullardan istifadə olunur. Telefonlar yığıllaraq məktəb direktoru müavininin otağına qoyulur və lazım olduğu hallarda verilir. Amma bu qaydalara heç də bütün şagirdlər əməl etmək istəmir.
Ekspertlər isə bildirir ki, Azərbaycanda şagirdlərin telefon istifadəsi ilə bağlı sərt qaydalar yoxdur. Ekspert Kamran Əsədov bildirir ki, məsələn Fransada həm müəllimlər, həm də şagirdlərə telefon qadağan edilir. Lakin Azərbaycanın təhsil ocaqlarında belə qadağa yoxdur.
Mobil cihazların uşaqları dərsdən yayındırdığını düşünənlərlə yanaşı, vəziyyətdən çıxış yolu kimi elektron resurslarlardan öyrənmək istəyənlər üçün fürsətə çevirənlər də var.