Göyçayda məktəb direktorunun səs yazısı yayılıb - VİDEO

Göçayda məktəb direktorunun, valideynləri məktəbli forması almaq üçün konkret bir mağazaya yönləndirməsi ilə bağlı səs yazısı yayılıb.

Məktəb forması ilə bağlı bir məqamı başa düşmək çətindir: niyə valideynə “forma bu mağazadan alınmalıdır” deyə konkret ünvan göstərilməlidir?

Valideyn məktəbin müəyyən etdiyi forma modelinə və tələblərinə uyğun geyim alırsa, onu haradan alacağını özü seçməlidir. Bir mağazanın konkret şəkildə göstərilməsi isə istər-istəməz sual yaradır: burada seçim valideynə məxsusdur, yoxsa müəyyən mağazaya yönləndirmə var?

Məktəb təhsilin və uşaqların gələcəyinin yeri olmalıdır, valideynlərin alış-veriş ünvanını müəyyən edən qurum yox. Forma ilə bağlı ümumi standart müəyyən edilə bilər, amma “məhz bu mağazadan alınmalıdır” yanaşması valideynlərin seçim hüququ və büdcəsi baxımından ciddi narazılıq yaradır.
Əgər söhbət məktəb formasından gedirsə, seçim də valideynin olmalıdır.

Səs yazısı aşağıdakı linkdə yerləşdirilib:

[media=https://youtube.com/shorts/ySN1K_96nAg?si=AkODHYRAe4eaa1Mm]