Sertifikatlaşdırmada ilk dəfə iştirak edən müəllimlərin müsahibə tarixləri məlum oldu

Sertifikatlaşdırmada ilk dəfə iştirak edən və test imtahanını uğurla keçmiş müəllimlər üçün müsahibə mərhələsinin sentyabr ayının ikinci on günlüyündə keçirilməsi planlaşdırılır.

Tehsilmedia.com xəbər verir ki, bunu jurnalistlərə açıqlamasında Məktəbəqədər və Ümumi Təhsil üzrə Dövlət Agentliyinin İmtahan və qiymətləndirmə şöbəsinin müdiri Nurlan İsmayılbəyli deyib.

Onun sözlərinə görə, bununla bağlı həmin müəllimlərin şəxsi səhifələrinə məlumatlar təqdim olunacaq.
N.İsmayılbəyli əlavə edib ki, proses yekunlaşdıqdan sonra təhsilverənlərin sertifikatlaşdırılması prosesinə cəlb olunan müəllimlərin sayı 100 min nəfərdən, əmək haqqına əlavə edilən müəllimlərin sayının isə 90 min nəfərdən artıq olacağı proqnozlaşdırılır”.