“Virtual Kimya” layihəsi çərçivəsində təlimlər davam etdirilir.
“Virtual Kimya” layihəsi çərçivəsində təlimlər davam etdirilir. Balakən rayon Qaravəlli kənd Ə.Şirinov adına tam orta ümumtəhsil məktəbin də “Virtual Kimya” adlı layihə çərçivəsində növbəti təlimlər təşkil olunub. Təlimlərin əsas məqsədi kimya fənninin tədrisində şagirdlərdə nəzəri biliklərin praktik tətbiqi, eksperimental bacarıqların və analitik düşünmə qabiliyyətinin formalaşdırılması üçün virtual laborator mühitlərdən səmərəli istifadə bacarıqlarını inkişaf etdirməkdir. Təlimlər 8-9-10 siniflər üzrə hər sinifdə 2 gün ərzində keçirilib.Ümumilikdə 50 nəfər şagird təlimlərdə iştirak edib. Balakən rayon təhsil sektoru nəzdində fəaliyyət göstərən məktəblərin kimya müəllimlərinə 3 günlük təlimlər keçirildi.Təlimdə 15 müəllim iştirak edib.İştirakçı müəllimlər təlimlərdən sonra IX və X sinif şagirdlərindən ibarət iki sinifdə virtual OLabs laboratoriyasından istifadə etməklə kimya dərsləri keçirəcək, laborator məşğələlərini tədris proqramına inteqrasiya edəcək, şagirdlərin praktiki bacarıqlarını inkişaf etdirəcək .
