“Gənc istedadlar” liseyinin şagirdlərinin növbəti uğuru

Bakı Dövlət Universitetinin (BDU) nəzdində “Gənc istedadlar” liseyinin 4 şagirdi ABŞ-da ənənəvi olaraq hər il keçirilən ISEF Beynəlxalq Elm və Mühəndislik Sərgisində iştirak edib.
Bu barədə "tehsilmedia.info”a BDU-dan məlumat verilib.
Liseyin “Sabahın alimləri” XII respublika müsabiqəsinin qalibləri olan şagirdləri - Misir Hüseynli və Ayşan Hacıyeva fizika və astronomiya, Ayaz Ömərli və Ömər İbrahimov kimya istiqaməti üzrə mayın 13-dən 19-dək ABŞ-ın Texas ştatının Dallas şəhərində ISEF Beynəlxalq Elm və Mühəndislik Sərgisində öz layihələrini təqdim ediblər.
Liseyin şagirdləri Ayşan Hacıyeva və Misir Hüseynli ölkəmizi müsabiqədə uğurla təmsil edərək Çin Elm və Texnologiya Assosiasiyası (China Association for Science and Technology) tərəfindən xüsusi mükafata (1200 $) və sertifikata layiq görülüblər.