XİN rəhbəri İƏT-ə üzv ölkələri azad edilmiş ərazilərdə icra edilən layihələrdə iştirak etməyə çağırıb

Azərbaycan xarici işlər naziri Ceyhun Bayramov İslam Əməkdaşlıq Təşkilatına üzv ölkələri azad edilmiş ərazilərdə icra edilən layihələrdə iştirak etməyə çağırıb.

tehsilmedia.info xəbər verir ki, XİN rəhbəri bu barədə İslam Əməkdaşlıq Təşkilatının (İƏT) Baş katibi Hissein Brahim Taha ilə telefon danışı zamanı bildirib.

Azərbaycan hökuməti tərəfindən işğaldan azad edilmiş ərazilərin genişmiqyaslı bərpası və inkişafı məqsədilə həyata keçirdiyi layihələr barədə məlumat verən nazir Ceyhun Bayramov Təşkilat daxilində dost və qardaş ölkələrdən olan nümayəndələri sözügedən layihələrdə iştiraka dəvət edib.