Nazir: STEAM tələbələrə yaşıl enerji ilə bağlı layihələr işləməyə imkan verir
"Biz iqlim təhsilini inkişaf etdirməyə və gələcəyə hazır yaşıl dayanıqlılığı qurmağa tam sadiqik".
Bunu COP29-da Təhsilin yaşıl inkişafı və iqlim savadlılığı metrikasının təkmilləşdirilməsi üzrə nazirlər dəyirmi masası - Təhsilin Yaşıl İnkişafı Tərəfdaşlığının 2-ci illik toplantısında elm və təhsil naziri Emin Əmrullayev deyib.
"İqlim dəyişikliyinə qarşı mübarizə aparmalıyıq. Bu böhran hər bir millətə, bütün cəmiyyətə, bir sözlə, hər birimizə toxunur. Pedaqoqlar, liderlər və vətəndaşlar olaraq gələcək nəsli bu çağırışa nəzarət etmək üçün lazım olan bilik, bacarıq və dəyərlərlə təchiz etmək bizim borcumuzdur. Təhsil anlayışa aparan yoldan daha çox şeydir. Bu, mənalı dəyişiklik və möhkəmlik mexanizmidir. Azərbaycan COP29-un bu əlamətdar toplantısına ev sahibliyi etməkdən şərəf duyur. İqlim dəyişikliyi bizim üçün uzaq bir narahatlıq deyil, bu, bir reallıqdır. Artan temperatur, dəyişən hava şəraiti və su ehtiyatları problemlərdə həllində bizə missiyamızın aktuallığını xatırladır. Bu aktuallıq bizi gələcək nəsilləri gələcəyə hazırlayaraq, iqlim təhsilini təhsil sistemimizin əsasına qoymağa sövq edir", - deyə nazir söyləyib.
O həmçinin qeyd edib ki, Azərbaycanda son altı ildə iqlim dəyişikliyi və ekoloji maarifləndirmənin milli kurrikuluma inteqrasiyasını təmin etmək üçün addımlar atıb:
"Məsələn, coğrafiya kurrikulumu standartlarımızın 25%-dən çoxu birbaşa iqlim sistemləri və davamlılıq ilə bağlıdır. Bu hərtərəfli yanaşma tələbələrimizə insan fəaliyyətinin ətraf mühitə təsirini, bərpa olunan resursların əhəmiyyətini və ekosistemimizi qorumaq yollarını anlamağa kömək edir. STEAM təhsil proqramımız tələbələrə yaşıl enerji, davamlılıq və yeni texnologiyalarla bağlı yeni layihələr üzərində işləməyə imkan verir. Bizim illik STEAM Azərbaycan festivalımız bu yanaşmanın gözəl nümunəsidir. O, Azərbaycandan və digər ölkələrdən olan gənc innovatorları yaşıl enerji, davamlı həllər və ətraf mühit problemlərinə yönəlmiş yaşıl sxemdə bir araya gətirir”.Nazir deyib ki, tələbələr iqlim dəyişikliyinin zərərli təsirləri, eləcə də emissiyaları və digər zəruri anlayışlar barədə məlumatlı olmalıdırlar.
"Biz tələbələrimizin karbon emissiyaları, eləcə də iqlim dəyişikliyinin qarşısının alınması üçün zəruri tədbirlər barədə məlumatlılığını təmin etməliyik. Onlar həm regionda, həm də dünyada baş verən iqlim proseslərindən xəbərdar olmalıdırlar. Tələbələr karbon emissiyalarının nə olduğunu bilməlidir. Bu məlumatlar onlara mərhələli şəkildə verilməlidir. İlk mərhələdə tələbələr enerji mənbələrindən hansı sahələrdə istifadənin vacibliyini daha yaxşı anlamalıdırlar. Onlar artıq indidən bilməlidirlər ki, bərpa olunan enerji mənbələrindən yararlanmaq planetimizə hansı faydaları verəcək. Digər tərəfdən vətəndaşların atmosferə zərər verəcək qaz tullantılarını ayırd edə bilməsi də çox vacib bir məsələdir".
