ARTİ, yoxsa TKTA???

"Bir tərəfdə qeydsiz-şərtsiz bütün yenilikləri araşdıran, gətirən, daha sonra müəllimlərə təlim keçib onu maarifləndirən bir qurum, digər tərəfdə problem axtarıb təlim keçməyə can atan və konkret bir qayəsi olmayan qurum."


Təhsil sistemimizdə maraqlı məqamlar çoxdur. Bunlardan biri də ARTİ və TKTA.
Azərbaycan Respublikası Təhsil İnstitutu bildiyimiz kimi, Təhsilimizdəki bütün dəyişikliklərin mərkəzində dayanan məkandır.
ARTİ tədris resursları, təhsil texnologiyaları, metodik dəstək və peşəkar inkişaf, layihələr, əlavə təhsil, təhsilin təşkili, qiymətləndirilmə, innovasiyalar, nəşrlər, inkluziv təhsil, STEAM və s. Bir sözlə, təhsilə, yeniliyə aid nə varsa, hər şeylə məşğul olan, davamlı yeniliklər üçün təlimlər keçirən, qiymətləndirmə aparan, görüşlər təşkil edən bir müəssisədir.
Kiçik bir araşdırma edib ARTİ-nin şöbələrinə belə baxsanız əslində hər şeyi açıq aydın görəcəksiniz.

Bəs burdan belə bir sual çıxır ortaya: Bəs TKTA nə işə yarayır? Niyə belə bir agentlik yaradıldı? TƏHSİLİN KEYFİYYƏTİ TƏMİNATI AGENTLİYİ. Təhsildə keyfiyyəti yaradan, keyfiyyətini ölçəcək səviyyəyə gətirən ARTİ olduğu halda, bütün yenilikləri gətirdiyi halda, bütün şöbələri ilə təhsil üçün çalışdığı halda belə bir agentliyə ehtiyac vardımı?
Bir tərəfdə qeydsiz-şərtsiz bütün yenilikləri araşdıran, gətirən, daha sonra müəllimlərə təlim keçib onu maarifləndirən bir qurum, digər tərəfdə problem axtarıb təlim keçməyə can atan və konkret bir qayəsi olmayan qurum.
İkisini təhlil edirik, çünki ARTİ varkən təhsilin keyfiyyətini yaradan bir qurum varkən, bu agentliyə ehtiyac varmı?
Bir tərəfdə araşdırmaçı, kitablar yazan, daim araşdırmada, təlimdə, vebinarlarda olan, hətta dünya səviyyəsində Azərbaycanı təmsil edən, tanıdan qurum, bir tərəfdə isə heç kimin tanımadığı, savad dərəcəsi, nəticəsi olmayan amma bütün təcrübəli, xalq üçün çalışan, illərin əməkdarlarını, məktəbləri, universitetləri yoxlayan bir qurum...

ARTİ işçiləri, uğurları, etdikləri, şöbələrinin fəaliyyəti göz önündədir. Açıq-aşkar təhsilimiz üçün can qoyurlar. Bazar günləri belə çalışırlar. Çünki müəllimlərə mane törətmədən, incitmədən çalışmağı üstün tuturlar. Kankret əqidələri var, planları var. Uğura addım - addım irəliləyirlər. Bir yenilik gətirirlərsə, arxasında dururlar. Bütün bunlara qarşılıq TKTA bizə nə verir? Hansı uğurları, hansı planları var? Təhsili məhv etmək....
Adicə peşələrin yaranması, inkişafı, təşkili üçün can qoyurlar, dərsliklər, hazırlıqlar, planlar, dəstək, amma TKTA nə edir bunlarla əlaqəsi yox, heç birinin hazırlanmasında iştirak etmir, dəstək olmur, araşdırmır, elə birbaşa ancaq Klavifikasiya?!
Bu vəziyyətdə düzgün bir proses necş gedə bilər? Bu sadəcə gülüncdür.
ARTİ-nin hər işçisi özünü sübut etmiş, elm uğrunda can qoyan insanlardır. Bəs TKTA? Kimliyi bilinməyən, peşəsi bilinməyən insanlar.
Bəs dünya standartlarına uyğundurmu bu TKTA və çox "savadlı" işçiləri? Çünki bütün ölkənin təhsil sisteminin qiymətləmdirirlərsə, özləri də yəqin dünya standartlarına uyğun olmalıdır. Azərbaycanda tayı- bərabəri olmamalıdır.
ARTİ bu gün təhsil üçün, millətimiz üçün, gələcəyimiz üçün, istedadlı gənclər üçün əlindən gələni edir.
ARTİ bizə müəllim verir, ARTİ olimpiyadada uğur qazanan gənclər verir, ARTİ bizə istedadlı gənclərə dəstək olur, ARTİ inkluziv şagirdlərə dəstək olur. ARTİ yaradır, yaşadır, irəlilədir. TKTA isə sanki ARTİ-nin yamağıdır. ARTİ-nin gördüyü bütün işləri öz adına çıxartmağa çalışan bir qurumdur. Təhsili keyfiyyətli edən və buna təminat verə biləcək tək yer ARTİ-dir. TKTA isə təhsilimizə bəla, təhsil işçilərimizə birbaşa hörmətsizlikdir.
Belə bir agentliyə ehtiyac yoxdur.