"Sürətli oxu"nun zərərləri

Sürətli oxu BACARIQ deyil, VASİTƏDİR.


Daha çox qeyd edirlər ki, sürətli oxu yaxşıdır. Biz niyəsini çox da düşünmədən belə deyiblər belə olmalıdır düşüncəsi ilə şagirdlərdə bunu formalaşdırırıq.

Əvvəlki yazımızda sürətli oxunun tarixi haqqında məlumat verdik. İndi isə gəlin sürətli oxunun faydalarını qeyd edək:

Oxumağı sevmirik, ancaq oxumağa məcbur olduğumuz şeylər var.
Oxumağı sevirik, ancaq oxumağa kifayət qədər vaxt ayıra bilmirik.
Tələbəsiniz (orta məktəb, lisey, universitet…) qısası yığınla kitab , dərs sizi gözləyir.
Qəbul və Sınaq kimi imtahanlara hazırlaşırsınız amma zaman problemi yaşayırsınız.
Daha qısa zamanda daha çox şey öyrənmək istəyirsiniz.
İş yerində hər gün yüzlərlə fayl, sənəd ya da hesabatı nəzərdən keçirməyiniz lazımdır. Ancaq çatdırmaqda çətinlik çəkirsiniz.


Həqiqətən diqqətlə faydalarını oxuyun. Gəlin, hər şeyi kənara qoyub düşünək:
Bunun zərərləri nələrdir?

Uşaqlarda nitq pozuntusu yaradır.
Uşaqlar oxuduqlarını anlamırlar.
Təxəyyül formalaşdırmır.
Şagirdlərdə qavrama olmur.
Fonetik normaya riayət etmirlər.
Təfəkkür zəifləyir, hətta istifadə olunmur.
Ədəbiyyata xas təsirlilik, obrazlılıqdan söhbət gedə bilməz.
Təngnəfəslik yaranır.
Ürəkdə, ciyərdə və beyində sıxılma əmələ gəlir.
Uşaqlarda güvən problemi yaranır.
Beyində geriləmə yaradır.

Əvvəllər də şagirdlərdə sürətli oxu yoxlanılıb amma bu formalaşdırılması lazım olan bacarıq deyil, bir vasitə olmalıdır.
Bu uşaqların məhvinə gətirir. Bəzən sürətli oxu formalaşdırarkən şagirdləri izləyirəm stress keçirirlər. Çox stress keçirirlər.

Ən acınacaqlı vəziyyət isə bunu da pul qazanmaq yoluna çevirib sürətli oxu kursları, sürətli oxu dərsləri keçirlər. Adi müəllimlər sadəcə uşaqlara dəfələrlə mətni təkrar-təkrar oxudur, saat tutur, məcbur edirlər ki, tez oxusunlar. Bu mənzərə sadəcə olaraq işgəncədir.

Qeyd edirlər ki, 9 yaşdan yuxarı həftədə 2 dəfə 1 saat olmaqla sürətli oxu formalaşdırılmalıdır. Bizdə isə oxuduğunu anlamayan, niyə sürətli oxuduğunu və nə oxuduğunu bilməyən, nitq qüsurlu uşaqlar formalaşdırır, üstəlik əlavə hazırlıqlara qoyub daha sürətli oxumasına cəhd edirik.
Hələ də niyə sualını verməyi bacarmırıq.