ADNSU-da “Müasir biznes mühitində liderlik” mövzusunda təlim təşkil olunub
Azərbaycan Dövlət Neft və Sənaye Universitetində (ADNSU) “Turan Qazma və Mühəndislik” şirkəti tərəfindən “Müasir biznes mühitində liderlik” mövzusunda təlim təşkil olunub.
Bu barədə "tehsilmedia.info"a ADNSU-dan məlumat verilib.
ADNSU-nun tələbə və əməkdaşlarının iştirak etdikləri təlimdə “Turan Qazma və Mühəndislik” şirkətində baş direktorun müavini Tomislav Klenkar müasir biznes mühitində liderlik anlayışı, liderlik xüsusiyyətlərinin 6 əsas prinsipi və onların sistemli təsnifatı haqqında təqdimatla çıxış edib.
Eyni zamanda, insan resurslarının idarə edilməsində biznesdə liderlik xüsusiyyətlərinin beynəlxalq təcrübəyə əsasən öyrənilməsindən və tətbiqindən danışılıb.
