MİQ imtahanları üçün ödəniş prosesi BAŞLADI- YENİLƏNİB

Müəllimlərin işə qəbulu müsabiqəsinin ödəniş sistemi aktivləşib.

Məktəbəqədər və Ümumi Təhsil üzrə Dövlət Agentliyindən AzEdu.az-ya verilən məlumata görə, sistem bu gün saat 15:00-dan 9 iyul saat 15:00-a kimi aktiv olacaq.

Bildirilib ki, Azərbaycan Respublikası Nazirlər Kabinetinin müvafiq Qərarına əsasən, müəllimlərin işə qəbulu üzrə müsabiqə bu ildən etibarən ödənişli əsaslarla təşkil edilir.

Qanunvericiliyə uyğun olaraq müsabiqədə ilk dəfə iştirak edən namizədlər, şəhid ailəsinin üzvləri, müharibə veteranı adı almış şəxslər, əlilliyi olan şəxslər, ünvanlı dövlət sosial yardımı alan ailələrin üzvləri ödənişdən azaddırlar.

Qeyd edilib ki, ödəniş prosesi ilə bağlı ətraflı məlumat və təlimat şəxsi kabinet vasitəsilə namizədlərin istifadəsinə təqdim olunacaq.



11:38

Bu gün müəllimlərin işə qəbulu (MİQ) üzrə müsabiqənin ödəniş prosesinə start veriləcək.

AzEdu.az xəbər verir ki, Məktəbəqədər və Ümumi Təhsil üzrə Dövlət Agentliyindən bildirilib ki, 6 iyul 2026-cı il saat 15:00-dan 9 iyul 2026-cı il saat 15:00-dək müəllimlərin işə qəbulu müsabiqəsinin ödəniş sistemi aktiv olacaq.

Nazirlər Kabinetinin müvafiq Qərarına əsasən, müəllimlərin işə qəbulu üzrə müsabiqə bu ildən etibarən ödənişli əsaslarla təşkil edilir.

Qanunvericiliyə uyğun olaraq aşağıdakı kateqoriyalara aid namizədlər ödənişdən azaddırlar:

- müsabiqədə ilk dəfə iştirak edən namizədlər;
- şəhid ailəsinin üzvləri;
- müharibə veteranı adı almış şəxslər;
- əlilliyi olan şəxslər;
- ünvanlı dövlət sosial yardımı alan ailələrin üzvləri.

Ödəniş prosesi ilə bağlı ətraflı məlumat və təlimat şəxsi kabinet vasitəsilə namizədlərin istifadəsinə təqdim olunub.

Müəllimlərin işə qəbulu (MİQ) üzrə müsabiqədə iştirak edəcək namizədlər ödəniş prosesi ilə video təlimat vasitəsilə tanış ola bilərlər.

Müəllimlərin işə qəbulu üzrə müsabiqədə iştirak üçün 60 manat ödəniş etmək tələb olunur.

MİQ imtahanlarının vaxtının iyulun 10-dan sonra elan olunacağı gözlənilir.